HATAW! D'yaryo ng Bayan hatawtabloid.com
ni Ambet Nabus
NAALIW kami sa napanood naming video message ni Kristine Hermosa-Sotto kay Kathryn Bernardo hinggil sa Pangako Sa ‘Yo.
For sure, isa nga si Kristine sa mga nag-abang at mag-aabang pa ng mga kaganapan sa soap na minsan nang nagawa ng napakagandang aktres.
Hindi pa man ipinakikita si Kathryn bilang siyang magre-reprise ng iconic role na Yna Macaspac ni Kristine noon, ramdam naming tuwang-tuwa ang ngayo’y maybahay ni Oyo Sotto sa bagong gaganap ng dati niyang role.
Payo nga ni Kristine kay Kathryn through a video message na na-i-post ng isang kaibigan nito sa social media, “Hi Kath. Congrats. Galingan niyo. Magpakabait ka and be wise ok?”
Napuna lang namin mare na parehong nagsisimula sa letter “K” ang mga name nina Kristine at Kathryn. Does that mean kaya na nasa kanila nga ang “karapatan” na gumanap bilang si Yna Macaspac?
