HATAW! D'yaryo ng Bayan hatawtabloid.com
ni Roldan Castro
NAGULAT ang movie press at TV crew sa press presentation ng BNAKED: The Elite Super Model Quest dahil official candidate ang lead actor ng I Luv Dreamguyz na si Jay -L Dizon na idinirehe ni Joel Lamangan.
“First time kong sumali ng ganito at gusto ko namang ma-experience,” bulalas ni Jay-L.
Makakalaban din niya ang isa pang indie actor na si Miko Laurel at ang mga titlelero sa bikini open. Makikipagsabayan daw siya sa pagiging wild ng mga candidate at na paninindigan ang titulong BNAKED.
Hindi lang ang malaking premyo ang inaasam niya kaya sumali siya sa BNAKED kundi nakikiisa siya sa objective na dapat laging fit at healthy.
Dito pumapasok ‘yung health conscious ng BNAKED na Be Fit, Be Sexy, Be Free, Be Wealthy, Be Famous..B Naked the truth of being healthy inside and out.
Gustong iangat ng CCA Entertainment Productions Corporation ang antas ng bikini open sa ‘Pinas kaya kakaiba ang mapapanood sa June 20 sa BNAKED:The Elite Super Model Quest sa Music Museum, Greenhills. Ito’y isang bikini-pageantry-fashion show na ang premyo ay umaabot ng kalahating milyon.
Supposed to be ay last May 27 ang BNAKED pero dahil ayaw ng CCA Entertainment Productions na maging half baked ang ganitong sexy show , ginawang June 20 na sa Music Museum.
Wala nang urungan ang BNaked na special guests sina Michael Pangilinan at Boobsie Wonderland. Hosted by Carlos Agassi at Ali Forbes (2012 Bb. Pilipinas 1st runner up at host ng Pinay Beauty Queen Academy ng GMA News TV). Directed by Mak De Leon.
Para sa tiket puwedeng tumawag sa 09053595091, Ticketword 8919999, Music Museum 7210365 .
