Mother Ricky, ‘di alintana ang pagsi-share ng blessings

 

ni Vir Gonzales

SA Power House, ipinakita kung gaano kaganda ang bahay ng pamosong si Mother Ricky Reyes. Nagsimula pala siya sa hirap at hindi inakalang mabibiyayaan ng mga blessing ni Lord.

Nagsimula ang pagiging hair stylist na nagustuhan ng mga costumer, lumawak na agad ang kanyang parlor.

Sa interbyu ni Kara David, mapapansin ang kababaang loob ni Mother Ricky. Marami palang mga batang may cancer ang kanyang natutulungan.

Naaawa siya sa mga mahihirap na hindi maipagamot ang kanilang mga anak. Sabi nga ni Mother Ricky, “binigyan ka na ni Lord ng agahan, tanghalian, at dinner, bakit ‘di mo sila bigyan man lang ng merienda?”

Mapagmahal siya sa kanyang magulang. Mayroon siyang resort sa Batangas at Antipolo. Dahil maraming natutulungan, naitanong namin puwede naman daw ba siyang tumakbong kandidato?

Ani Mother Ricky, utang daw niya kay Lord ang mga biyayang natatanggap.