HATAW! D'yaryo ng Bayan hatawtabloid.com
HINDI rin pala kasama si Alex Gonzaga sa Pinoy Big Brother na launching na sa June, ito ang sabi mismo ng taga-production.
Nagtanong kami sa taga-The Voice Kids 2 kung bakit nawala si Alex bilang co-host nina Robi Domingo at Luis Manzano at nabanggit nga na may Inday Bote.
Kaya binanggit namin na ilalagay naman si Alex sa PBB kapalit ng TVK2, “hindi ko alam kung kasama siya, sino ba ang peg niya sa ‘PBB’. Baka naman kapalit ni Mariel (Rodriguez) na luka-luka lang,” sagot sa amin.
Nagte-taping na kasi si Alex ng Inday Bote habang nagsisimula namang mag-taping din ang TVK2 na hindi na kinaya ng dalaga kaya pinalitan na siya.
Patapos na ang Inday Bote at hindi rin kasama si Alex sa PBB, ano pa ang next project niya?
Anyway, base sa umeereng episode ngayon ng Inday Bote ay wala ng makapipigil sa pagbangon ng karakter ni Alex sa ‘ending na hindi puwedeng ismolin ngayong Biyernes (Mayo 29).
Sa pagbubunyag ng tunay niyang pagkatao, gagawin na ni Inday (Alex) ang lahat para itama ang lahat ng pagkakamali na ginawa ni Fiona (Aiko Melendez) sa pamilya niya.
Paano nga ba maaayos ni Inday ang lahat ng kaguluhan sa pamilya Vargas ngayong malalaman na ng lahat na siya ang nawawalang si Kristal? Mapipigilan pa ba niya ang kasamaan ni Fiona sa tulong ng mga duwendeng nagpoprotekta sa kanya? Sa huli, may kailangan nga bang magsakripisyo ng buhay para sa katahimikan at kapayapaan ng lahat?
Huwag palampasin ang ending na hindi puwedeng ismolin si Inday Bote ngayong Biyernes na bago mag-TV Patrol sa ABS-CBN Primetime Bida.
ni Reggee Bonoan
