HATAW! D'yaryo ng Bayan hatawtabloid.com
CEBU CITY – Nabulabog ang mga residente ng Brgy. Pajac, lungsod ng Lapu-Lapu, Cebu nang umakyat sa tuktok ng krus ng simbahan ang isang lalaki pasado 8 a.m. kahapon.
Kinilala ang biktimang si Eric Bulay-og, 27, isang litsonero, at residente sa nasabing lugar.
Sa imbestigasyon ng mga awtoridad, nabatid na may tumawag sa kanilang himpilan kaugnay sa nasabing insidente.
Agad nagresponde ang grupo nina PO2 Winston Maldegro patungo sa simbahan.
Palihim silang umakyat patungo sa kinalalagyan ni Bulay-og na nadatnan nilang nakayakap sa malaking krus.
Dinakma nila si Bulay-og na hindi na nakapalag at ibinaba saka dinala sa himpilan ng pulisya.
Sa tactical interrogation ng mga awtoridad, iginiit ng suspek na may gustong pumatay sa kanya.
Tinitingnan ng Lapu-Lapu City Police kung may diperensiya sa pag-iisip si Bulay-og o gumamit ng ilegal na droga.
