HATAW! D'yaryo ng Bayan hatawtabloid.com
OUT na si Darla Sauler sa Kris TV simula sa susunod na linggo dahil papalitan na siya ni Ramon Bautista.
Ang kilalang teacher sa University of the Philippines at manunulat ang bagong co-host ni Kris Aquino sa nalalapit na selebrasyon ng ikaapat na taon.
Si Darla ang headwriter ng Kris TV na naging instant celebrity nang mapanood siya sa nasabing programa ng Queen of All Media na kasama nitong tagatikim ng pagkain sa mga restaurant na itinatampok nila sa programa.
Hindi na rin mapapanood si Bimby Aquino Yap dahil tapos na ang summer at back to school na ang bagets.
Kuwento nga ni Kris nang makatsikahan namin sa LBC Express launching bilang endorser, “I have a new co-host, very, very exciting, niligawan ko ‘yung co-host na ‘yun, hindi n’yo aakalaing papayag siyang makatrabaho ako kasi lalaki siya, he represents the young male and barubal and marami siyang hastags na napasikat pero he’s very well respected in the academe, mayroon din siyang mga best-selling books.
“Nagkaroon siya ng hesitation, kinausap ko siya, inaaral niya ako as we speak, tinext ko siya ng happy birthday, at sinabi niya na, ‘nanonood ako actually ng mga lumang episodes (‘Kris TV’)’ at ako naman, binabasa ko mga libro niya.”
At noong Sabado ay nagkita’t nag-meeting na sina Kris at Ramon tungkol sa bagong format ng Kris TV.
ni Reggee Bonoan
