HATAW! D'yaryo ng Bayan hatawtabloid.com
KASONG parricide ang isinampa kahapon sa piskalya laban sa isang Japanese national makaraan patayin sa sakal ang kanyang mag-ina sa Parañaque City nitong nakaraang linggo.
Nabatid mula kay Sr. Supt. Ariel Andrade, hepe ng Parañaque City Police, dakong 12 p.m. kahapon nang sampahan nila ng 2 counts parricide sa Parañaque City Prosecutor’s Office ang suspek na si Yoshihiko Yura.
Makaraan patayin sa sakal ang kanyang mag-ina na sina Raquel Ura, 43, at Kenji Alexis Ura, 13, grade 8 pupil, dakong 5:30 a.m. sa kanilang tinitirhan sa Bayview Garden Homes 3, Roxas Boulevard, Brgy. Tambo, Paranaque City noong nakaraang linggo ay nagtangkang magpakamatay ang suspek sa pamamagitan ng pagsaksak sa kanyang sarili.
Patuloy na nagpapagaling sa San Juan de Dios Hospital ang suspek.
Jaja Garcia
