‘Wag n’yo na pong idamay si Ate Janice’ — Gerald

ni Roldan Castro

OKEY na ba si Gerald Anderson sa paghihiwalay nila ni Maja Salvador?

“Nasa healing process pa ako kaya inom nuna tayo ng Cosmo-cee,” tumatawa niyang pahayag sa launching ng bago niyang endorsement.

“Marami po akong makakapitan dahil sa mga tao sa paligid ko, very helpful, very supportive,” sambit pa niya.

Hindi pa rin maiwasan na itanong sa kanya ang pagkaka-link niya kay Janice De Belenat itinuturong dahilan ng hiwalayan nila ni Maja. ”Ito yung huling beses na magsasalita ako. Para sa mga hindi pa nakaiintindi, wala pong kinalaman si Ate Janice sa kahit anong iniisip niyo o sinasabi niyo. So, sana ho huwag na kayong mandamay ng mga taong walang kinalaman, please. Kung hindi pa malinaw ‘yon, wala pong kinalaman si Ate Janice,” deklara niya.

Kinunan din siya ng reaksiyon tungkol sa Instagram picture na magkakasama ang kanyang mga ex na sina Sarah Geronimo, Kim Chiu, at Maja.

“Yeah, nakita ko, magkakasama kami sa ‘ASAP’ every Sunday.

“That’s good. Ayoko na pong mag-comment, kasi whatever I say, kung may sasabihin ako, it’s taken out of context. Kung paano niyo po i-edit, it’s gonna be something different. Basta po masaya lahat, ‘yun na po ‘yon,” sambit niya.

Pak!