HATAW! D'yaryo ng Bayan hatawtabloid.com
AMINADO si Daniel Padilla na excited na siya sa kanilang bagong teleserye ni Kathryn Bernardo sa ABS CBN titled Pangako sa ‘Yo. “Siyempre naman, sobrang excited ako.Trailer pa lang, hindi ba, grabe na? Akala ko nga nanonood na ako, e,” nakangiting saad ni Daniel.
Dagdag pa niya, “At saka siyempre hindi natin puwedeng biguin ang mga tao, na hindi lang trailer ang maganda, na kapag ipinalabas na, dapat every episode maganda dapat.
“Sobra akong nagagalak siyempre, grabe, grabe iyong napanood ko! Sobrang excited, kinakabahan din siyempre, pero kakayanin.”
Sina Jericho Rosales at Kristine Hermosa ang gumanap na Angelo at Yna sa original na version ng Pangako Sa ‘Yo fifteen years ago.
Banaggit pa ni DJ na ibang klaseng experience ang pakikipagtrabaho sa kanilang co-stars, kabilang sina Jodi Sta. Maria, Angelica Panganiban, at Ian Veneracion.
Si Jodi ang gumaganap sa karakter ni Amor Powers na binigyang buhay noon ni Eula Valdes. Si Angelica naman ay si Madam Claudia Buenavista, na ginampanan dati ni Jean Garcia.Samantalang si Ian naman plays the role of Eduardo Buenavista, na dating ginampanan ni Tonton Gutierrez.
“Si Tito Ian, sobrang okey, kasi siya yung tatay ko sa Got To Believe before. Sobrang close po kami ni Tito Ian. Si Miss Angelica naman po, hindi pa kami nagkakasama sa scene. Pero sa mga gatherings, nagkikita naman kami parati. Si Miss Jodi, okey rin po. So, sobrang kumportable.”
Bata pa lang daw si Daniel noong umere ang orig na serye, kaya hindi niya ma-imagine na gagampanan din pala niya ang papel dito ni Jericho.
“Napapanood ko rin, pero siyempre hindi ko pa naiintindihan kasi nga bata pa ako noon. Pero nasusulyapan ko iyon dahil pinapanood ng mga tita ko, nina Mama (Karla Estrada).
“’Tapos yun, noong pinapanood ko ang trailer, parang kailan lang, hindi mo alam ikaw na pala iyong susunod doon.”
ni Nonie V. Nicasio
