HATAW! D'yaryo ng Bayan hatawtabloid.com
SA last taping day ng Wansapanatay Presents: Yamishita Treasures nina Coco Martin at Julia Montes, naging emosyonal daw ang lahat dahil nga napalapit na sila sa isa’t isa.
Ang leading lady ng aktor na si Julia ang isa rin sa sobrang nalungkot dahil hindi niya alam kung kailan na naman sila magkakasama ni Coco sa project. At higit sa lahat, tiyak na mami-miss ng aktres ang pag-aalaga sa kanya ng kapartner.
Ano kaya ang masasabi ni Julia na muling magkakasama sina Coco at Angeline Quinto sa FPJ’s Ang Probinsiyano?
Sa pagkakatanda namin ay matinding pinagselosan ni Julia si Angeline dalawang taon na ang nakararaan? In speaking terms na ba ang dalawang babaeng naging bahagi sa buhay ni Coco?
Samantala, mapapanood naman ngayong Linggo (Mayo 24) ang masamang epekto ng pagiging sakim sa kapangyarihan sa pagpapatuloy ng Wansapanataym Presents Yamishita’s Treasures.
Ngayong malapit na nilang mabawi ang kapangyarihan ni Demetrius (Eddie Garcia), haharap muli sa malaking pagsubok sina Yami (Coco) at Tanya (Julia) dahil sa pagpigil ni Lisandro (Noni Buencamino) sa kanilang mga plano.
Paano nga ba maititigil nina Yami at Tanya ang kaguluhan sa mundo ng mga engkanto? Ano ang gagawin ni Yami sa oras na dakipin ni Lisandro ang pinakamamahal niyang si Tanya?
ni Reggee Bonoan
