Sue, nag-GRO para mabuhay ang pamilya

ni Pilar Mateo

GRO’S life!

Guest relations officer sa ibang bansa! Ito ang istoryang matutunghayan sa MMK (Maalaala Mo Kaya) ngayong Sabado (Mayo 23) na tatampukan nina Sue Ramirez at Celine Lim.

Mga batang guest relations officer sa ibang nansa ang kanilang gagampanan. Sa kagustuhang mabigyan ng magandang buhay ang kanyang magulang at kapatid, ginawa ni Liza (Sue) ang lahat para makakuha ng trabaho bilang entertainer sa Japan. Pero mabibiktima siya ng panloloko ng kanyang recruiter na sisira sa kanyang pagkatao.

Ang tanong ay kung maibabangon pa ba nito ang sarili sa mga pagsubok na haharapin niya sa impiyernong buhay bilang GRO?

Makakasama ni Sue sa nasabing episode sina Allan Paule, Isay Alvarez, Eagle Riggs, Anna Luna, Patrick Sugui, Chienna Filomeno, Elise Joson, Mike Austria, Marnie Lapuz, at Arnold Reyes mula sa direksiyon ni Raz dela Torre at panulat ni Ruel Montañez.