HATAW! D'yaryo ng Bayan hatawtabloid.com
ni Reggee Bonoan
MAGLALAGARE ng shooting si Kris Aquino ng pelikula nila ni Quezon City Mayor Herbert Bautista na ididirehe ni Antoinette Jadaone at ang Etiquette for A Mistress ni Direk Chito Rono.
Akala ng lahat ay hindi na kasama si Kris sa Etiquette for Mistress dahil nga hindi siya puwedeng gumanap na kabit dahil bawal sa kontrata niya sa produktong ineendoso niya.
Pero in-announce na ito ng Queen of All Media sa Aquino and Abunda Tonight noong Lunes ng gabi, “yes, I’m part of the project.”
Sa madaling salita, tuloy na si Kris sa nasabing pelikula na pagsasamahan nila nina Claudine Barretto at Kim Chiu.
Matatandaang naunang inalok sa TV host/actress ang title role, pero biglang umurong dahil bawal sa kontrata niya.
Sa madaling salita, si Kris na ang gaganap na asawa at si Claudine naman ang kabit.
Sabi ng taga-Star Cinema sa amin, “wala naman kasing wife roon, puro mistress, bit roles and cameos lang ang wives. So most probably minor role lang si Kris o baka daragdagan. Si Claudine (Barretto) ang mistress.”
So ano naman ang magiging papel ni Kim sa Etiquette for A Mistress, eh, wholesome ang imahe niya?
Nagulat kami sa sagot sa amin, “bagong saltang probinsiyanang magiging mistress.”
Huh, handa na ba si Kimmy sa papel na kabit? Sabagay, kailangan na ng dalagang aktres ng mature role at hindi na puwedeng magpa-cute.
Sabagay, naging asawa’t kabit at may mga anak na nga siya nina Jake Cuenca at Coco Martin sa seryeng Ikaw Lamang.
