Buwagin ang CHED

“SIGURUHIN na ang  kalidad ng edukasyon ay makakamit ng lahat na nagnanais makapag-aral  lalo na ang walang kakayanang tustusan ito.”

Sa mandatong ito ng Commission on Higher Education (CHED), malinaw na ipinahihiwatig na ang pag-aaral ay karapatan ng bawat Pilipino at  hindi kinakailangang masagkaan ng kahirapan.

Pero sa realidad,  wala itong katotohanan. Sa halip bigyan ng proteksiyon ng CHED ang mga mag-aaral, lumalabas na pinapaboran pa nito ang malalaking negosyante na may-ari ng mga pribadong paaralan.

At sa kabila nang walang habas na pagtataas ng tuition, muli na namang pinahintulutan ng CHED ang 313 private school na magtaas ng kani-kanilang singil sa matrikula. 

Bunga nito, asahan din ang pagtaas ng bilang ng dropout at out-of-school youth sa Pilipinas.

Walang magulang na hindi ginustong makapag-aral ang isang anak, pero sa laki ng guguguling salapi para makapasok sa isang pribadong paaralan, napipilitan silang patigilin ang kanilang mga anak sa pag-aaral.

Walang maaasahang proteksiyon sa CHED ang mga magulang at estudyante.

 Tama ang panawagang buwagin na lang ang CHED.