Magkakagalit sa UMD, pinagbati nina James at Wowie

ni Roldan Castro

PINAGBATI pala nina James Salas at Wowie De Guzman ang dating kasamahan nila sa sikat na all male sing and dance group noong 90’s na Universal Motion Dancers (UMD) sinaNorman Santos at Marco Mckinley pagkatapos magpatutsadahan ang dalawa sa Facebook.

Nagkaayos naman ang dalawa pagkatapos magkaroon ng miscommunication sa fund raising show para kay Norman. Nagkaroon ng malubhang sakit ito sa bato.

Akala ni Norman ay buo umano niyang makukuha ang kinita ng Concert for a Cause for Norman Santos pero naitindihan naman niya noong huli na ibinawas ang expenses sa show na pinamahalaan ni Marco.

Samantala, nagkaroon ng blessings noong Sabado ang bagong opisina na Starnet sa Shaw Blvd. sa Pasig na bagong negosyo nina James at asawa niyang si Cesil , Wowie, at Jerry “Quik” Vilale. Isa itong networking na may products silang iniaalok gaya ng slimming coffee na organic ng sangkap, Guyabano Barley, at Mangosteen Wheatgrass. Noong una ay hindi pa nakumbinse sina Wowie at James dahil 90 percent ay negative ang networking sa Pilipinas. Pero noong makita nila sa previous networking na after six months ay malaki ang kinikita ni Quik at saka lang sila sumunod. Ang ending nagtayo na sila ng sarili nilang business. Ang Starnet ay unang company na conceptualize ng mga artista kaya matatag ang credibility nito.