HATAW! D'yaryo ng Bayan hatawtabloid.com
ni Roldan Castro
MAY kapalit na si Bea Binene bilang katambal ni Jake Vargas pagkatapos nilang mag-split.
Pagsasamahin sa isang serye sina Jake at Julie Anne San Jose.
Marami ang nagtatanong kung bagay ba ang dalawa dahil matangkad si Julie Anne at may kailitan si Jake.
Balitang sinubukan nilang magkaroon ng look test at sinabihan ni Julie na dayain na lang ni Jake sa pagsuot ng sapatos. Lagyan niya ito ng takong sa loob.
Okey lang ba sa kanya na ka-partner si Jake?
“Okey lang naman po sa akin kasi nakakasama ko naman po siya (isang sitcom sa GMA) so, I think wala naman pong magiging problema,” bulalas niya nang makatsikahan namin siya sa kanyang birthday fans day sa Studio 1 ng GMA 7.
Paano kung ligawan siya ni Jake?
“Ahhh, hindi ko po alam, eh. Huwag muna po siguro, trabaho lang muna,” pakli ng aktres-singer.
Paano kung awayin siya ng fans ni Bea?
“Naku, wala naman po ako roon sa ano nila. Labas po ako roon,” sambit pa niya.
“Talaga naman po na undeniably marami silang fans and followers. Wala naman po akong intensiyon na ano, alam mo ‘yon,” dagdag pa niya.
Anyway, 21 na ngayon si Julie Anne. Ready na ba siyang mag-pose ng sexy at maging cover sa isang men’s magazine?
“’Pag mayroon po, hindi ko po tatanggapin?,” sey niya.
“Ewan ko po . Hindi ko lang siguro feel,” bulalas niya.
Hindi pa handang makatrabaho sina Elmo at Janine
Tinanong din si Julie Anne kung ready na ba siyang makatrabo sa isang project sina Elmo Magalona at Janine Gutierrez.
”Ako, wala pong problema roon but I think, not right now,” mabilis niyang tugon.
Hanggang ngayon ay inaaway pa rin si Janine ng fans ni Julie Anne pero hindi naman daw niya kontrolado ‘yun.
Kung sina Jake at Bea ang makakasama niya?
“Sakto lang naman po ako kahit sino at ano po, okey ako,” sagot niya.
Pak!
