HATAW! D'yaryo ng Bayan hatawtabloid.com
ni Roland Lerum
KAPWA nasa tomboyserye sina Katrina Halili at Rhian Ramos at sabay silang nag-guest sa Startalk kamakailan. Nagkataon pa na pareho silang may sex video noon na pinag-usapan. Ngayon, pareho na silang dalawa na naka-move on. May natutuhan ba silang leksiyon sa nangyari sa kanila individually?
Ani Rhian, ”Sa nangyari sa akin noon, may mga taong iniwan ako, hindi na ako kinibo pero mayroon pa rin namang hindi umalis, tinulungan ako. Nakabuti rin in a way para sa akin ang nangyari dahil nakita ko kung sino ang tunay kong mga kaibigan. Nagpapasalamat ako sa GMA 7 dahil hindi nila ako iniwan. They still believe in me. Nagpapasalamat din ako sa family ko na hanggang ngayon, inaalalayan pa rin ako.”
“Hindi na ako parang awkward ‘pag nagkataon na makikita ko si Dra. Belo o si Dr. Hayden. After kaming magka-usap, basta nawala ang lahat ng sama ng loob ko, lalo na kay Hayden na isa ng born-again Christian. Of course, hindi pa nauulit ang pagkikita namin muli pero I am sure na hindi na ako magiging awkwand kung sakali man,” sambit naman ni Katrina.
Parehong umibig sa kapwa babae ang papel nina Rhian at Katrina sa bagong tomboyserye, hindi ba sila nag-aalangan noong una?
“Very challenging for me. Dahil lahat naman kami, ganoon din gaya ng kapartner ko rito na si Glaiza de Castro, hindi rin siya lesbian, pero kung nagawa niya na mag ala-tomboy eh, ‘di magagawa ko rin,” ani Rhian.
Sabi naman ni Katrina, ”It is just a role at challenging din ito para sa akin dahil kailangang ipasok kong mabuti sa katauhan ko ang karakter na ginagampanan ko. Nasa diskarte lang naman ng tao ‘yon, eh. ‘Pag napabilib mo ang nanonood sa iyo, ‘pag nakumbinse mo sila, tagumpay ka.”
