HATAW! D'yaryo ng Bayan hatawtabloid.com
DALAWANG sako na puno ng pinatuyong dahon ng marijuana ang natagpuan ng isang security guard sa loob ng elevator kamakalawa ng gabi sa Legaspi Tower sa Malate, Maynila.
Itinawag ni Joy Lance Estrellado, 28, security guard, residente ng 24 F Carlos St., Baesa, Quezon City, sa tanggapan ng Police Community Precinct (ALPHA PCP) na pinamumunuan ni Chief Insp. Brigido Salisi, ang natagpuang dalawang sako ng marijuna dakong 9 p.m. sa #5 elavator sa 5th floor ng Legaspi Tower sa P. Ocampo St., Malate.
Aniya, habang siya ay nag-iinspeksiyon, nakita niya sa nasabing elevator ang dalawang sako na inakala niyang basura lamang ang laman ngunit nang kanyang buksan ay natuklasang puno ito ng marijuana.
Dinala na sa Manila Police District Headquarters ang marijuana para sa laboratory examination.
Leonard Basilio
