Mark, ‘di minasama ang reklamo ni Vin, kaibigan daw kasi niya ito

ni Pilar Mateo

BIG break! This is how Artista Academy runner-up Mark Neumann felt nang sa kanya ipagkaloob ang toque ni Takgu na siyang bibigyang buhay niya sa bagong teleserye sa TV5 sa muling pagbuhay ng Baker King with a Pinoy twist na magsisimula na sa May 18, 9:30 p.m..

Nagbukas din ng puso niya si Mark sa mga patuloy na kumakalat na intrigang isa sa nai-insecure sa kanya as far as having projects left and right eh ang nanalo sa Artista Academy na si Vin Abrenica.

Sabi nga sa balita, nagreklamo na raw ito sa management at humihingi nga ng proyekto niya. Mark considers Vin his friend kaya nga hindi raw siya basta naniwala sa mga nakarating sa kanya. At na-validate naman ito nang mismong si Vin na rin ang nagtanggol sa kanya by saying na wala siyang something against Mark.

Ang ganda nga ng sinabi ng direktor nilang si Mac Alejandre. Na ang mundong kinabihilangan nila eh isang napakalaking field para hindi mabigyan ng pagkakataon ang bawat isa. Timing nga lang daw ang hinihintay.