HATAW! D'yaryo ng Bayan hatawtabloid.com
SINALUBONG ng hero’s welcome si Manny Pacquiao sa kanyang pag-uwi sa General Santos City, Biyernes ng umaga.
Sa airport pa lang, dumagsa ang mga kababayang nag-abang sa flight ni Pacman na lumapag pasado 8:30 a.m.
Kasama ng boksingero ang misis na si Jinkee, mga anak, at ilang miyembro ng kanyang coaching staff.
Habang hindi natuloy ang ikinasang arrival honors sa airport para sa boxing icon na piniling simulan nang mas maaga ang pag-iikot sa kanyang hometown.
Sa pag-arangkada ng motorcade sa anim na barangay, hindi nabanaag ang injury sa kanang balikat ni Pacquiao, na namigay ng mga jacket, t-shirt at kopya ng kanyang album sa nadaanang fans.
Kasunod nito, nagpaunlak ng press conference si Pacquiao sa isang mall at muling nagpasalamat sa mga tagasuporta.
