HATAW! D'yaryo ng Bayan hatawtabloid.com
MULING magpapasaya ang Puregold Priceclub Inc. sa kanilang pinakamalaki at grandiosong installment ng taunang Tindahan Ni Aling Puring (TNAP) Sari-Sari Store Convention na magaganap sa Mayo 20-24 sa World Trade Center, Pasay City.
Limang araw ang ekstrabagansang ito na walang katapusang saya para sa bawat miyembro ng TNAP program ng Puregold. Sa nakalipas na 12 taon, patuloy ang pag-ayuda ng Puregold sa mga negosyanteng Pinoy sa pagbibigay ng karagdagang kaalaman para lalo pa nilang mapalago ang kanilang mga negosyo. Tanging Puregold ang nagbibigay ng sari-sari store at reseller packages sa mga maliliit na negosyanteng gustong pasukin ang ganitong negosyo mula sa kompletong business package para sa sari-sari store start-up o re-launch, kabilang na rito ang store design at promotion, technological assistance, crash course sa basic retail, at media exposure. Kapuna-puna na ang mga sari-sari store owners mula Luzon, Visayas, at Mindanao ay pinagkakatiwalaan dahil sa affiliation nila sa Puregold at Tindahan Ni Aling Puring.
Isa sa major highlights ng convention ay ang official launch ng pinakabago at pinalakas na TNAP membership card na naglalaman ng bongga at eksklusibong benepisyo para sa mga miyembro nito. Libre at lifetime ang membership sa TNAP. Bawat kasapi ay maaaring makakuha ng points sa bawat item na mabibili sa Puregold. Ang minimum purchase na Php200 ay may 1 point katumbas ng Php1.00. Ito ay maiipon at maaaring i-redeem sa lahat ng mga cashier ng mga Puregold branch sa buong bansa. Maaari ring i-redeem ito sa loob ng dalawang taon sa kahit na anong Puregold branch saan mang panig ng bansa. Magkakaroon ng access ang mga cardholder sa iba pang kapana-panabik na mga reward at mga eksklusibong events.
Bilang karagdagang bonus para sa convention ngayong tao, kinuha ng Puregold ang mga naglalakihang artista ng bansa para lalong maging maningning. Pinangungunahan ang line-up ng longtime endorsers ng Puregold na sina Joey De Leon, Jose Manalo, Ruby Rodriguez, Boy Abunda, at Vic Sotto. Sina Vic, Jose, Ruby, at Joey ang opisyal na maglulunsad sa bago at pinalakas na TNAP membership card. Maaari ring abangan ng mga TNAP member ang mga espesyal na performances mula sa Divine Diva na si Zsa Zsa Padilla; sa Voice Of Asia grand winner na si Dessa; sa mga sikat na batang artista tulad nina KC Concepcion, Maja Salvador, Julia Barretto, John Lloyd Cruz, at Diego Loyzaga; sa komedyanang si Giselle Sanchez at mga komedyante na sina Ramon Bautista, Donita Nose, MC, Lassy, Chad Kinis, and Negi; sa mga rock icon na Kamikazee, si Mitoy & The Draybers, at ang Parokya Ni Edgar; ang rapper na si Gloc 9; at kay Mr. Pure Energy na si Gary Valenciano.
Maaari ring matuto ng mahahalagang tips at methods ang mga miyembro mula sa mga libreng trainings at seminars mula sa mga esteemed negosyo gurus. Gagantimpalaan din ng Puregold ang mga top purchaser ng mga fantastic prizes gaya ng one-minute shopping sprees, Puregold gift certificates, gadgets, at cash prizes. Ipakikita lamang ng mga miyembro ng Tindahan Ni Aling Puring ang kanilang membership card upang makasali sa convention ng libre.
Para sa karagdagang impormasyon bisitahin ang opisyal na website ng Puregold sa www.puregold.com.ph, i-like ang Puregold sa Facebook, i-follow ang @Puregold_PH sa Twitter, at i-follow ang @puregold_ph sa Instagram.
ni Maricris Valdez Nicasio
