Louise, ‘di binibigyan ng serye dahil mataba at maitim daw

 

ni John Fontanilla

HALOS mag-iisang taon na pero wala pa ring regular serye si Louise Delos Reyes habang ang iba ay sunod-sunod ang proyektong ginagawa.

Ayon sa mommy ng dalaga, “’Di ko nga alam, 10 months ng walang serye si Louise , sabi nila mataba raw si Louise at maitim, pero parang hindi naman.

“Nakipag-usap na rin naman kami sa kanila, sabi hintay-hintay lang at may inaayos daw na project para kay Louise.

“Eh kami naman naghihintay lang ng bigay nila, tingnan natin this year kung mabibigyan siya ng bagong serye.”

Tanging ang Sunday noontime show lang ang show ni Louise ngayon at pa-guest-guest lang sa iba’t ibang show ng GMA 7.