Batas vs carnapping pabibigatin

BUNSOD nang tumataas na kaso ng carnapping sa bansa, sinuportahan ng Senado ang hirit na pagpapabigat sa batas laban sa carnapping, at pag-amyenda sa anti-fencing law. 

Tiniyak ni Senate Committee on Public Order chairperson Grace Poe, hihigpitan ang paghahain ng proof of ownership sa mga hinihinalang nakaw na sasakyan pagdating sa mga presinto.

Tatanggalin din aniya ang piyansa para sa carnapping at pabibigatin ang mga parusa laban dito. 

Babala ng senador, “‘Pag naipasa po itong batas na ito, ‘pag kayo ay nahuli, hindi na kayo makakawala… Wala nang bail dahil sobra na talagang ginagamit nila ang proseso para hindi sila makulong.” 

Isinusulong din sa Senado na pagbawalang makabalik sa gobyerno ang sino mang opisyal na mapatutunayang kasabwat ng mga carnapping group.