HATAW! D'yaryo ng Bayan hatawtabloid.com
GRABE pala kung magbarubalan ang mag-inang Mommy Pinty at Alex Gonzaga dahil sinasabihan ng ina ng ‘gago’ ang anak.
Na-post kasi ni Alex sa kanyang Instagram account ang palitan nila ng mensahe na ikina-react ng netizens.
”Random text namin ng mommy this week. Happy mother’s day to my mother hen!!! Sorry lagi kitang inaasar pero sabi nila the more you tease the more you love! Love youuuuu tipints! @mommypinty.”
Pero ang balik-sagot ni Mommy Pinty sa anak, “Gago ka sumakay ka sa dolphins pano kung magloko un.”
Hindi rin nagpatalo si Alex dahil sinagot niya nanay niya ng, “Dolphins are the nicest compared to you mom.”
At ang reaksiyon ni mommy Pinty, “Haaaaaa sama mong anak.”
Sa totoo lang, nakakatawa ang sagutan ng mag-ina at nakatutuwa kasi ganoon pala talaga sila kaya hindi na kami nagtataka kapag inilalaglag ng magkapatid na Toni at Alex ang nanay nila kapag presscon dahil nga super close sila.
Pero negatibo ang naging dating sa ibang nakabasa dahil naturingang Christians daw sina Mommy Pinty pero nagsasalita ito ng ‘gago’ sa anak.
Binura ni Alex ang ipinost niya marahil naapektuhan siya sa reaction ng netizens at pinalitan ng, “last week nagkaroon kami ng misunderstanding ng ate, Looky kung sinong chismosa sa nangyari!!!
“Ha ha this is how my mom and I joke with each other. Happy mothers day mother hen!!! I love you tipints! (Wala ng magreact ng OA kasi this is me just sharing why I love mommy pints).”
Ibang klase ka Alex Gonzaga kaya masyado kang guwardiyado ng magulang mo kompara sa ate Toni mo dahil nga kapag pinayagan kang lumarga, eh, hindi ka na raw bumabalik, ito mismo ang comparison sa inyong magkapatid ng daddy Carlito mo.
In fairness, hindi naman apektado ang viewers ng Inday Bote sa mga pinaggagagawa nitong si Alex or else lagot siya kay Mommy Pinty.
ni Reggee Bonoan
