Pacman, ililipat ang mga anak sa public school (Dahil sa pagkokorek sa kanyang Ingles…)

ni Ronnie Carrasco III

ANG inakalang bakasyon na rin ni Lolit Solis sa Amerika—kasabay ng kanyang assignment para mangalap ng balita tungkol sa ginanap na Pacquiao-Mayweatherfight kamakailan—turned out to be an ordeal.

Ayon sa isinama niyang staff ng Startalk na si Belinda Felix, kung tutuusin ay walking distance lang mula sa tinutuluyan nilang hotel ang MGM Grand, ang pinagdausan ng tinaguriang Fight of the Century. Pero mas pinili ni ‘Nay Lolit na mag-taxi.

Paano ba naman daw kasi, pinakamaaga na ang 11:00 p.m. kung umuwi sila mula sa tinutuluyan ni Manny at ng buong Team Pacquiao. May time pa nga raw na P3:00 am. na ay nasa kalye pa sila at nag-aabang ng taxi back to their hotel.

Worse, laging nakakalimutan ni ‘Nay Lolit na dalhin ang kanyang maintenance medicines.

But their trip was worth it all together, ani Belinda. Puring-puri kasi nila ang kagandahang-asal ng mga anak nina Manny at Jinky na magiliw na nakikipagtsikahan sa kanila.

Nasabi rin ni Manny kina ‘Nay Lolit na sa susunod na pasukan daw ay ililipat niya ang kanyang mga anak sa public from their exclusive school. Katwiran ng tatawa-tawang si Manny, ”’Pag nag-i-Ingles kasi ako, kino-correct ako ng mga anak ko!”

Samantala, marami naman ang nakapansin sa tila niretoke na ring mukha ng kambal ni Jinky na nagmukhang mas maganda pa kaysa kay Jinky mismo!

Well, what money can do. Sabi nga, kapag may pera ka, wala kang karapatang pumangit.