Julia at Coco, future na nila ang pinag-uusapan

PAGKATAPOS kaya ng Wansapanataym Presents Yamashita’s Treasure episode nina Coco Martin at Julia Montes ay tuloy-tuloy pa rin ang komunikasyon nila?

Itutuloy na kaya ni Coco ang panliligaw kay Julia? Ang katwiran niya noon, hindi muna niya ito itinuloy dahil masyado pang bata ang aktres at busy sila sa kanilang career.

Kamakailan, nabanggit ng aktor na inihahanda na niya ang sarili sa pagkakaroon ng pamilya dahil natupad na ang pangarap niyang makapagpatayo ng bahay para kasa-kasama niya palagi ang kanyang mga kapatid at magulang.

Si Julia na nga kaya ang babaeng gusto niyang makasama habang buhay? Parang imposible namang hindi, dahil ginagabayan na niya ang dalaga sa mga pagdedesisyon nito.

At para ngang may maayos na silang usapan para sa future nila. Sabi nga, ayos na ang buto-buto.

“Nagpapasalamat ako na nandiyan si Coco para magbigay ng gabay sa akin dahil ibang klase siya magbigay ng payo,” kuwento ni Julia nang makaharap namin noon sa launch ngYamishita’s Treasure.

“Suwerte ako kasi bago ako magkamali, nagtitiwala ako na lagi siyang nandiyan para mag-advise sa akin.”

Kaya marami ang nakakapansin na parang hindi na sila umaarte sa Yamishita’s Treasure. Tumayming at nag-swak pa naman sa role nila bilang Tanya at Yami ang tunay, malalim, at maganda nilang samahan (o relasyon?).

ni Reggee Bonoan