3 doktor ni Jolo 4 sekyu kakasuhan ng Munti police

SASAMPAHAN ng kaso ng Muntinlupa police ang ilang security guards at tatlong doctors ng Asian Hospital, kaugnay sa aksidenteng pagkakabaril sa sarili ng aktor at Cavite vice governor na si Jolo Revilla noong Pebrero 28.

Sinabi ni Muntinlupa police chief, Senior Supt. Allan Nobleza, tatlong mga guwardiya ng Asian Hospital at isang security guard ng Ayala Alabang ang sasampahan nila ng kasong obstruction of justice.

Ito ay dahil sa kabiguan ng mga guwardiya na i-report sa mga awtoridad ang insidente.

Kinasuhan din ng pulisya ng administrative charges ang tatlong attending physicians ni Revilla sa Asian Hospital.

Ito ay dahil tumanggi anila ang mga doktor na magbigay ng impormasyon kaugnay sa kondisyon ni Revilla.

Isinampa ng PNP ang administrative charges laban sa mga doktor sa Professional Regulation Commission (PRC).