15-anyos dalagita niluray ng 2 chainsaw operator (BF tumakbo)

TACLOBAN CITY – Isang 15-anyos dalagita ang nabiktima ng rape habang pauwi sa kanilang bahay sa Brgy. Santa Cruz Jaro, Leyte kamakalawa.

Ayon sa pahayag ng kasintahan ng biktima, pauwi na sila mula sa sayawan nang bigla silang hinabol ng dalawang hindi nakilalang lalaki at tinutukan ng patalim sabay banta na kung hindi siya aalis ay agad na papata-yin.

Pinili raw niya ang tumakbo na lamang at naiwan ang kanyang girlfriend.

Dinala sa isang gubat ang biktima at doon hinalay.

Kinilala ang mga suspek na sina Jose Murbos Jr., residente ng Brgy. Santa Cruz, Jaro, Leyte, at Junjie Murad, residente ng Butuan City, kapwa chainsaw operator.

Ayon kay Senior Inspector Cesar Cojuangco Navarette ng Jaro PNP, nagsagawa sila ng hot pursuit operation ngunit nakatunog ang mga suspek kaya nakatakas.