Sam, excited na sa pagsasama nila ni Jen

SPEAKING of Sam Milby ay ang ganda ng mga ngiti niya nang inguso namin si Jennylyn Mercado at sabay tingin sa aktres.

Pero mukhang ayaw pag-usapan ni Sam ang tungkol sa kanila ni Jennylyn, sabi lang niya, ”I’m excited to do a movie with her (Jennylyn).

Noong Mayo 6 daw dumating si Sam galing ng Amerika at kinailangan niyang dumating ng Pilipinas dahil sa project niya sa Regal Films at gagawa raw siya ng teleserye na hindi naman binanggit pa.

Kinumusta namin ang nangyari sa kanya sa California, USA na roon siya nag-workshop at nag-audition, base na rin sa sinabi niya sa interview niya kamakailan nang dumalo siya sa red carpet ng Asian Film Festival.

“Hmm, okay naman,” tipid na sa sabi ni Sam.

Kinukulit namin kung ano ang nangyari sa audition at panay lang ang ngiti ni Sam at sinabihan na kami ng handler ng aktor na si Ms Lulu na, ”at saka na natin pag-usapan ‘yan Reggee.”

Hmm, base sa mga ngiti ni Sam ay mukhang positibo ang nangyaring auditions dahil kung hindi ay magme-make face siya sa amin, yes ateng Maricris, ganoon namin kakilala ang aktor.

Marami pa kaming gustong itanong, pero nagmamadali na silang umalis kasama ang manager niyang si Erickson at handler na si Lulu dahil may meeting pa yata ulit sila.

 

ni Reggee Bonoan