HATAW! D'yaryo ng Bayan hatawtabloid.com
KAHIT wala nang kontrata si Bangs Garcia sa ABS CBN at lumalabas siya ngayon sa TV5, wala raw siyang balak iwan ang Kapamilya Network para lumipat sa Kapatid Network.
“Lagi akong kinukuha ng Mac & Chiz, hindi ko nga rin alam kung bakit. So, buong month of May ay nandoon po ako sa Mac & Chiz.
“Pero, hindi ako aalis ng ABS CBN. Malakas ang Viva sa ABS, eh. And according to Viva, they want me to stick with ABS. They don’t want me to transfer to other networks,” saad ni Bangs.
Samantala, sa story conference ng BG Productions International para sa pelikulang Tupang Ligaw na pinagbibidahan nina Matteo Guidicelli, Bangs, Paolo Contis, Rico Barrera at iba pa, inusisa namin ang tole ng aktres sa naturang pelikula.
“Iyong role ko rito ay GRO, pero may action scenes ako rito. Ready naman ako sa mga ganyang eksena, nag-aral naman kasi ako ng Wushu.”
Sinabi rin ni Bangs na gusto ni-yang maglie-low sa pagpapa-sexy at su-mabak naman sa drama at action. Sa TV, mas okay daw sa kanya ang Rom-Com o romantic comedy.
“Originally ay kinukuha ako ng ABS sa Pasion de Amor, pero kasi ay masyadong sexy ‘yung role. So… lie low muna kasi ako sa mga sexy na role. Gusto ko nga muna ay mag-focus sa romantic comedy, kung magkakaron ako ng TV show, ganoon ang gusto ko sana.”
Ibig bang sabihin nito, hindi na siya tatanggap talaga ng sexy roles?
“Actually po, honestly, sa pag-sign ko sa Viva ay hindi po namin inisip na magfo-focus sa pagpapa-sexy. Kasi I think I have proven my self in that genre for a long time already, e. Ayaw kong maging redundant.
“So, gusto ko ay focus talaga muna ako sa drama ngayon and action. Gusto ko kasing maging versatile.”
ni Nonie V. Nicasio
