Edna, OFW movie ng taon!

UMANI ng papuri ang matagumpay na sneak preview ng Edna kamakailan na ginanap sa Metropolitan Museum. Marami rin ang humanga sa tapang ng pelikulang naglalahad ng kuwento ukol sa Overseas Filipino Worker (OFW).

Dinaluhan ito ng mga lead cast na sina Irma Adlawan, Ronnie Lazaro, Kiko Matos, producer Tonet Gedang, Cherrie Gil, Mon Confiado, Ma. Isabel Lopez, Gloria Sevilla, Suzette Ranillo, Art Acuna, Ms. Tina Colayco (MET Museum), Mr. Carlos Madrid (Instituto Cervantes),TV at movie press, representative mula sa DOLE, diplomats atbp..

Ang Edna ay tumatalakay sa kakaibang kuwento ng isang inang OFW at ang psychological effect ng mga kaganapan sa pamilya pagbalik ng bansa.

Handog ng Artiste Entertainment ni Gedang sa mga OFW, pamilya, at mga ina bilang pang post Mother’s Day movie. Ang Edna ay binigyan ng Graded A ng Cinema Evaluation Board at mula sa direction ni Ronnie Lazaro.

“’Wag muna kaung tatayo after ng end credits o abangan ang final scene after credit,” ani Mr. Gedang.

Marami ring estudyante ang nanood at nagbigay ng magagandang komento sa ginanap na screening sa UP Los Banos at sumang-ayon sila na ang Edna ay ang OFW movie ng taon. “The kissing was real!; “Wasak sila”; “You have a murderous mind”; “Labis akong nagandahan sa pelikulang ito”; “Masasabi ko na isa ito sa mga produktong tunay na maipagmamalaki sa ibang bansa”; “Matitindi ang mga eksena”; “Malulupit ang mga dayalogo”; “Bawat maliit na galaw ay dunong na dunong ang mga panunumbalik na mga implikasyon,” komento ng mga UP student.

Magkakaroon ng special screening sa Instituto Cervantes (May 9) at sa UP Diliman Film Center ( May 18). Abangan si Edna sa mga sinehan simula sa May 20 at puwede na ring mapanood ang trailer sa Edna’s Facebook page http://www.facebook.com/Edna.Film2014. o mgbrowse sa Edna.Film2014.