HATAW! D'yaryo ng Bayan hatawtabloid.com
NAGKATOTOO ang pangarap na magkatambal sina Julia Barretto at Iñigo Pascual. Nabuo pala ang pangarap na ito 10 taon na ang nakararaan. Naibahagi ng binatilyo na noong nakilala niya ang tita Claudine Barretto ni Julia na leading lady naman ng tatay niyang si Piolo Pascual sa pelikulang Milan ay nabanggit daw ng aktres na sana dumating ang panahong magtambal naman sila ng pamangkin niya (Julia).
Sa panig naman ni Julia ay nakita niya si Iñigo noong pipirma siya ng kontrata sa ABS-CBN kasama si Piolo na karay-karay naman ang anak niyang si Iñigo.
Kuwento ni Iñigo, ”There, we met each other and she wasn’t like what I expected. I mean sobrang bait niya, we got to exchange numbers, and we became friends.”
Sa panig naman ni Julia, ”Inigo would text me na ‘sana maging actor na ako riyan (sa Philippines). Kaso my dad won’t let me.’”
At naalala ni Inigo, ”this tandem is actually a dream-come-true.”
“I’ve always believed in Inigo and I’m glad I got to work with him,” magandang sagot naman ng dalagita.
Sa month long episode ng Wansapanataym na ipinalabas noong Enero nakitaan ng magandang chemistry sina Inigo at Julia at dito na naging sunod-sunod ang offers sa kanila kasama na ang pelikulang Para Sa Hopeless Romantic produced ng Star Cinemaat Viva Films.
Sa pelikula ay gagampanan nina Julia at Iñigo ang papel na Maria at Ryan na tauhan sa libro na isinulat naman ni Becca (Nadine Lustre) pagkatapos niyang mabigo kay Nikko (James Reid).
ni Reggee Bonoan
