HATAW! D'yaryo ng Bayan hatawtabloid.com
PATAY ang isang 57-anyos project manager makaraan manikip ang dibdib at mahirapang huminga mahigit isang oras makaraan mag-check-in sa motel kasama ng isang babae kamakalawa ng hapon sa Caloocan City.
Hindi na umabot nang buhay sa John Paul Hospital ang biktimang kinilalang si Armando Singson, ng Block 4, Lot 34, Phase E-1, Francisco Homes, Brgy. Mulawin, San Jose Del Monte, Bulacan sanhi ng heart attack. Batay sa ulat ni PO3 Romel Bautista, dakong 5 p.m. nang maganap ang insidente sa loob ng Room 18 ng Madonna Hotel sa 34 Don Vicente St., Brgy. 136 ng nasabing lungsod. Dakong 3:40 p.m. nang dumating ang biktima kasama ang isang Julie Sepe, sakay ng Mitsubishi Adventure (WDB-476) at nag-check-in sa nasabing motel.
Makalipas ang halos isang oras ay sumisigaw na humihingi ng tulong ang kasamang babae ng biktima dahil sa paninikip ng dibdib ni Singson.
(ROMMEL SALES)
