MRT muling nagkaaberya

PANIBAGONG aberya ang bumungad sa mga pasahero ng Metro Rail Transit (MRT) bandang 6:20 a.m. nitong Huwebes.

Ayon kay MRT General Manager Roman Buenafe, biglang nagpreno ang isang tren sa pagitan ng southbound ng Kamuning at Cubao station.

Dahil dito, hindi agad naialis ang gulong ng tren mula sa pagkaka-magnet sa riles kaya pinababa na lamang ang mga pasahero.

Pansamantalang nilimitahan ang biyahe mula Shaw Boulevard hanggang Taft Avenue station at pabalik, at pasado 8 a.m. naibalik sa normal ang operasyon.

Nagdulot nang matinding pagbagal ng mga sasakyan ang insidente nang maipon ang mga pasaherong napilitang lumipat na lang sa mga bus.

Nitong Miyerkoles ng hapon, una nang nagkaaberya ang PNR makaraan madiskaril.

Jaja Garcia