Paslit dinalirot lolo kalaboso (Inakit sa kendi)

KULONG ang isang 65-anyos lolo makaraan ireklamo ng pagmolestiya sa isang 3-anyos babaeng paslit kamakalawa ng hapon sa Caloocan City.

Kinilala ang suspek na si Rolando Combati, residente ng Heroes Del 96, Brgy. 69 ng nasabing lungsod, nahaharap sa kasong rape at paglabag sa R.A.7610 (Child Abuse), nakapiit sa detention cell ng Caloocan City Police.

Batay sa ulat ng Women’s and Children’s Protection Desk ng Caloocan City Police, ayon sa salaysay ng ama ng biktimang si Jasmine, napansin niyang nasa isang sulok ng kanilang bahay ang anak kaya niya nilapitan.

Sa puntong iyon sinabi ng biktima na nahihirapan siyang lumakad dahil masakit at namamagi ang kanyang ari.

Nang kanyang tanungin kung ano ang nangyari, sinabi ng biktima na dinadaliri siya ng suspek sa tuwing bibigyan siya ng kendi.

Bunsod nito, agad nagtungo sa barangay hall ang ama at ipinaaresto ang suspek at dinala sa himpilan ng pulisya.

Rommel Sales