80 pasahero sugatan (PNR train tumagilid)

UMABOT sa 80 pasahero ang sugatan nang madiskarel hanggang tumagilid  ang sinasakyan nilang tren ng Philippine National Railways (PNR) dahil sa kalumaan nito kahapon ng hapon

Makati City.

Inaalam ng Makati City Police Traffic Bureau ang mga pangalan ng mga biktimang isinugod sa iba’t ibang pagamutan.

Sa inisyal na ulat ng pulisya, naganap ang insidente dakong 4 p.m. sa southbound lane ng PNR Site, Brgy. Magallanes ng naturang  lungsod.

Nabatid na galing ang naturang tren sa erya ng Maynila at patungo sa Muntinlupa City, habang sakay ang 100 pasahero.

Pagsapit sa erya ng Brgy. Magallanes, Makati City ay nadiskarel ang naturang tren dahilan upang tumagilid ito at bumalandra sa riles na nagresulta sa pagkakasugat ng mga pasahero.

Isa sa mga teyorya ng pulisya, posibleng ang kalumaan ng tren ang dahilan nang pagkakadiskarel nito. Patuloy na iniimbestigahan ng mga awtoridad ang naturang insidente.

Jaja Garcia