HATAW! D'yaryo ng Bayan hatawtabloid.com
ni Vir Gonzales
USAP-USAPAN ang muling pagbabalik-telebisyon ni Willie Revillame sa bakuran ngKapuso. Pagkaraan ng mahigit isang taong pagkawala, matutuwa na naman mga tagahanga sa show niya sa GMA.
Ang komento lang ng marami, bakit sa kanyang comeback, puro mga kayamanang umaapaw ang topic kapag kinakapanayam siya? Mamahaling kotse, yate, bahay, lupa at eroplano. Bakit daw, hindi ang ibalita ay kung ano bang gimik na gagawin sa kanyang pagbabalik?
Kung mamimigay ba siya uli ng pera, sa mga taga-probinsiya na manonood sa kanya? Kung mamimigay ba uli ng cellphone sa mga makakahula sa contest niya? Kung papayagan ba ng Kapuso ang style niya?
Nabalitang hindi na ‘yung mga dating dancers ang pasasayawin sa stage. Mga bagets daw ang ipapalit. Nabalita pang itatambal siya kay Ai-Ai delas Alas sa isang show kung kaya buong giting na nag-babu sa ere ang The Buzz.
