Wagi sa cara y cruz nirapido sa lamay

PATAY ang isang 55-anyos vendor makaraan pagbabarilin ng magkakapatid nang matalo sa sugal na cara y cruz sa isang lamay sa Tondo, Maynila kamakalawa.

Binawian ng buhay habang isinusugod sa Metropolitan Hospital ang biktimang si Tirso Lorot, ng C.M. Recto Avenue, Binondo, Maynila.

Habang tinutugis ng mga awtoridad ang magkakaanak na suspek na sina Nestor Cerilo Sr., Nestor Cerilo Jr., Jayson Cerilo, at Rey Cerilo, pawang mga residente sa nabanggit na lugar.

Sa imbestigasyon ni SPO3 Glenzor Vallejo ng Manila Police District Homicide Section, dakong 10:13 p.m. nang maganap ang insidente sa Binondo.

Ayon sa isang witness na si Pedro Lorot, 21, kapatid ng biktima, sina Nestor Sr., at Nestor Jr., ay natalo ng biktima sa cara y cruz sa isang lamayan sa kanilang lugar na nagresulta sa kanilang pagtatalo.

Galit na umalis ang mga suspek ngunit nang bumalik ay armado ng sumpak, bolo at pen gun at nang makita ang biktima ay pinagbabaril.

LEONARD BASILIO, may dagdag na ulat sina MARY JOY SAWA-AN, DARWIN MACALLA, at JOSHUA MOYA