HATAW! D'yaryo ng Bayan hatawtabloid.com
KATAKOT-TAKOT na talak ang inabot ng assistant ni Pam Quinones kay Mommy Pinty Gonzaga dahil sa kapalpakan nito sa nakaraang concert ni Alex Gonzaga noong Sabado sa Smart Araneta Coliseum.
Ang nasabing assistant daw ang namahala sa wardrobe ni Alex noong gabi na pawang palpak sabi mismo ng taong nakatsika namin na nasa dressing room.
Unang salang pa lang daw ni Alex ay palpak na dahil nakatangga ito at walang takip ang harap kaya’t parang bold star daw.
Biglang lumabas din ng entablado si Alex na naka-hanging blouse at lumabas ang bra na idinaan sa biro ng dalaga, “wala kasing kinakapitan kaya hayan (lumabas).
Nagpadala ng leatherette jacket ang assistant sa stage para isuot ni Alex kaya natakpan na ang dibdib ng dalaga sabay biro ulit, “para naman akong mag-a-aksyon nito.”
Lumabas ding naka-leggings si Alex at walang short kaya kitang-kita ang underwear niya sa malapitan.
Kuwento ng taong nasa dressing room, “umalis si mommy Pinty para siguro hindi makapagsalita ng hindi maganda sa mga taong namamahala sa mga damit na isusuot ng anak. (Hindi ba nai-tsek ni Alex o ni Mommy Pinty ang mga isusuot niya bago ang concert? Dapat din may dress rehearsal muna ‘di ba—ED)
Sabi pa raw ni mommy Pinty, “wardrobe palpak, super lahat. Sinabi ko No Tangga, if ever may (suot) skirt pa rin or short. Basta super palpak ang wardrobe. Hindi na kumikibo noon lahat, si Alex sobrang pressured kaya umalis si mommy.”
Tinanong namin kung ang assistant din ni Pam ang namamahala sa mga damit ni Alex sa ibang shows nito.
“Sa concert lang naman ‘yung wardrobe na ginamit ni Alex kaya hindi naman tatanggalin, hindi naman nila personal kaya hindi na ‘yun makakaulit,” paliwanag sa amin.
Ano naman kaya ang pahayag dito ni Ms Pam tungkol sa kanyang assistant.
ni Reggee Bonoan
