Your Face Sounds Familiar, exciting panoorin!

our face 

FIRST time naming nakapanood ng Your Face Sounds Familiar last Saturday at nag-enjoy kami nang husto sa programang ito ng ABS CBN. Actually, ang tinutukan ko that night ay ang Maalaala Mo Kaya? episode na tinatampukan nina Coco Martin, Angel Locsin, at Ejay Falcon ukol sa istorya ng Special Action Force (SAF) commandos na nasawi sa engkuwentro sa Mamasapano, Mindanao, na may part-2 pa pala next Saturday.

Anyway, back to Your Face Sounds Familiar, base sa limang nag-perform that night, kina Nyoy Volante na in-impersonate si Sylvia La Torre at Edgar Allan Guzman bilang si Ed Sheeran ang pinakamagaling sa aming palagay.

Actually, kung bagong bukas ka lang ng TV at makita mo sila, hindi mo iisipin na hindi sila ang original at impersonators lang pala sila.

Susunod sa nagustuhan namin ay si Maxene Magalona na ang ginaya naman ay ang kanyang ama na Rap Master at OPM icon na si Francis Magalona. Halos kuhang-kuha talaga niya ang kanyang ama lalo na sa itsura. Kaya lang, sana ay mas nilakihan ni Maxene ang kanyang boses para mas may semblance or mas may touch talaga siya bilang si Kiko.

Sina Jolina Magdangal naman at Karla Estrada ay sina Jaya at Dulce ang natokang i-impersonate, respectively. Samantalang sina Tutti Caringal , Jay-R, at Melai Contiveros ay sa Sunday pa magpe-perform (na paglabas ng kolum na ito ay nakapag-perform na).

Sa ngayon, si Jay R ang nangunguna sa kanilang walo na may score na 133 points. Si Jolina naman ang second with 114 points at third si Nyoy na may score na 113 points. Kaya I’m sure, base sa resulta ng week-Seven, magbabago ang standing nila.

Next week, for sure ay aabangan ko ulit ang Your Face Sounds Familiar para malaman ko kung talagang ang mga celebrity contestants dito ay nakakabilib o nagulat lang ako dahil first time ko itong napanood.
ni Nonie V. Nicasio