Special session gawin kung kailangan sa BBL  

NAKAPAG-USAP na sina House Ad Hoc Committee on the Bangsamoro Basic Law Chairman Rufus Rodriguez at Senate Presidente Franklin Drilon kaugnay ng posibilidad na magkaroon ng special session ang dalawang kapulungan ng Kongreso kung kailangan para maipasa ang BBL.

Ayon kay Rodriguez, bukas si Drilon sa special session sakaling hindi maipasa ang BBL bago ang Hunyo 11 o bago ang sine die adjournment ng Kongreso.

Sa ngayon ay tapos na ang debate sa committee level sa Kamara sa mga probisyon ng BBL at sisimulan na ang amendments mula sa 99 pahina, 220 provisions at 18 articles sa layunin na maging alinsunod ito sa Saligang Batas.

Binigyang-diin ni Rodriguez na hindi nila palalabnawin o i-“water down” ang BBL kundi imo-modify ito.

“Instead of calling it watering down, we are modifying it to enhance it and improve it,” ani Rodriguez.