Rehab efforts sa Yolanda hit areas, ‘wag nang politikahin – Tacloban official    

TACLOBAN CITY- Umaasa si Tacloban City Vice Mayor Jerry Yaokasin na hindi mapupulitika ang pagpapatuloy sa rehabilitation effort sa mga lugar na sinalanta ng bagyong Yolanda.

Ayon kay Yaokasin, ngayong nailipat na sa pamamahala ng National Economic Development Authority (NEDA) ang pondo para sa rahibilitasyon ay mahalaga na isaalang-alang ng gobyerno ang pagpapabilis sa pagpapatupad ng mga proyekto na inilaan dito lalo na’t nalalapit na ang halalan sa susunod na taon.

Iminungkahi ni Yaokasin ang pagsasaayos sa Tacloban Airport, pagbibigay ng hanapbuhay sa Yolanda survivors at ang programa sa pabahay ang dapat aniyang bigyan ng atensyon ng gobyerno.

Aniya pa, hindi na naayos permanent shelter ng karamihan sa Yolanda Survivors.

Una nito, iniutos ni Pangulong Benigno “Noynoy” Aquino III ang paglilipat sa mga gawain at reponsabilidad ng Office of the Presidential Assistant for Rehabilitation and Recovery (OPARR) sa National Economic and Development Authority (NEDA), anim buwan makaraan magbitiw si rehabilitation czar Panfilo Lacson.