Pag-amin na lang ang kulang sa closeness nina Erich at Daniel

ni Ambet Nabus

INAMIN na nga ni Erich Gonzales na single na siya uli at free, hindi na rin tayo magugulat kung soon ay aminin na nila ni Daniel Matsunaga ang totoong status ng special friendship and bonding nila.

Kung dati ay sinasabi ni Erich na imposible siyang ma-fall kay Dandan (nickname ni Daniel) dahil mayroon siyang stable at masayang karelasyon, tila hindi na ‘yun totoo sa ngayon.

Kung dati ay parang gimik lang para sa show nilang Two Wives (na late ngang ipinasok ang karakter ni Daniel after his PBB stint and winning) ang lahat, this time around ay halos pag-amin na lang nila ang kulang lalo pa nga’t sinimulan na itong itsika ni Kris Aquino na nag-take pa ng credit na sa show niya nagsimula ang lahat.

Yes sa morning show nga ni Kris sila na-discover as love team, kumbaga lalo pa’t dumalas ang pagiging co-hosts nila kaya’t ngayon ay nag-iba na ang timpla at sinasabi na nga ni Erich na she’s single na uli at “malay” daw natin sa tinutuksong positive nilang tambalan sa totoong buhay?

Bagay na bagay naman sila sa totoo lang mareh! Ang question na lang natin dito eh hanggang kailan kaya ito? Or baka naman may something bigger and more exciting project na sila na talaga ang mga bida this time, ano sa palagay mo?