HATAW! D'yaryo ng Bayan hatawtabloid.com
ni Alex Brosas
HINDI sinisi ni Vice Ganda si Coco Martin sa pagkalat ng chikang dyowa niya ang newcomer na si Kurt Ong dahil, “unang-una wala naman siyang sinabing pangalan.
“Hindi ko puwedeng isisi kay Coco ang ginawa ng ibang tao kasi hindi naman si Coco ang nag-conclude, eh, ‘yung mga tao, ‘di ba? Hindi kami nakakapag-usap pa,” say niya sa intimate presscon para sa forthcoming concert niya sa Araneta Coliseum, ang Vice Gandang Ganda Sa Sarili sa Araneta, Eh di Wow, sa May 22.
Wala naman daw siyang itsinitsika about his love life kay Coco dahil “kahit naman hindi ko kuwentuhan ‘yon ay malalaman niya ‘yon.
“Alam niya kasi na lumalabas kami nina Kurt. Sinabi ko sa kanya mga barkada ko ‘yon, baliw. ‘Bat mo naging barkada ‘yan?’”
Sa isyung nagtampo siya kay Kris Aquino dahil sa website at statement T-shirt business na gusto niyang itayo, ito ang pahayag ni Vice, “Gusto kong malaman kung kanino nanggaling kasi sa source pa lang malalaman natin kung totoo ‘yan o hindi. Kasi unang-una bago ako umalis ay si Kris ang kasama ko. Pagdating ko sa Pilipinas ay si Kris and dapat sana ay sasalubong sa akin. May tumawag sa akin at tinanong kung ano ang issue ninyo.
“Ano’ng issue sa amin ni Kris?’ ‘tungkol doon sa T-shirt.’ Wala nga kaming pinag-usapan about that. Wala kaming dapat klaruhin as in wala,. Never kaming nag-away, never kaming nagsitahan. Ano ba, ang daming nagpapalabas ng T-shirt at saka ng website. Ang dami-daming artistang may website. Kung mayroon mang naglabas ng isyung ‘yan ay nadamay lang ako.”
