Protesta vs water cannon ng China ihahain

TINIYAK ng Department of Foreign Affairs (DFA) na maghahain ng diplomatic protest laban sa China sa oras na makuha ang lahat ng mga impormasyon kaugnay ng pambu-bully ng Chinese vessel sa mga mangingisdang Filipino sa West Philippine Sea.

Ayon kay DFA Spokesman Charles Jose, kaila-ngan nilang makuha muna ang mga impormasyon kaugnay ng napaulat na water cannon incident laban sa mga mangingisdang Filipino sa Panatag Shoal upang maging batayan ng ihahaing diplomatic protest.

Kasabay nito, pinasa-ringan ni Jose ang China kaugnay ng reclamation activities sa West Philippine Sea sa pagsasabing hind nila maipaliwanag sa publiko ang marahas na aktibidad sa pinag-aagawang teritor-yo.

“China unable to defend its unlawful position & aggressive reclamation. China has reduced its lack of response to name-calling,” ayon kay Jose.