Taxi driver biktima ng holdap, karnap

HINOLDAP na tinangayan pa ng sasakyan ang isang taxi driver sa Malate, Maynila, kahapon ng madaling-araw.

Sa ulat kay Supt. Romeo Odrada, Malate Police Station (PS9) commander, dakong 3 a.m. naghahanap ng pasahero ang biktima nang parahin siya ng isang lalaki sa Pasong Tamo St., Makati City.

Nagpahatid ang lalaki sa Zobel Roxas St. ngunit bago dumating dito ay nagdeklara ng holdap at tinutukan siya ng baril ng suspek.

Pinahinto ang taxi sa Dian St. at siya ay pinababa saka pinaharurot ng suspek patungo sa Osmeña Highway ang sasakyan.

Ipinaalarma na ng pulisya ang taxi na may pangalang Game Boy  (UVG-160) at pinaalalahanan ang publiko na iulat sa pulisya kapag nakita ito.

Joshua Moya/Mary Joy Sawa-An/Darwin Macalla