PH ‘di tuta ng Kano — Palasyo

UMALMA ang Palasyo sa pagtawag  ng Chinese media sa Filipinas na tuta ng Amerika dahil sa isinasagawang joint RP-US Balikatan Exercises sa bansa.

Sinabi kahapon ni Presidential Spokesman Edwin Lacierda, walang batayan ang bintang ng Chinese media dahil hindi sunud-sunuran ang Filipinas sa kagustuhan ng Amerika.

“We don’t understand where this insecurity of the Chinese towards us is coming from. Where do we have the wherewithal to compete against China as a superpower,” aniya.

Taon-taon aniyang ginagawa ang military exercises ng puwersa ng Amerika at Filipinas alinsunod sa Mutual Defense Treaty at Visiting Forces Agreement.

Ang batikos ng China sa Filipinas ay sa harap nang mainit na isyu sa West Philippine Sea na inirereklamo ang ginagawang reclamation ng Tsina sa mga isla at  ang  pag-harass  sa mangingisdang Filipino.

Idinagdag ni Lacierda, hindi lamang sa defense strategy nakasentro ang military exercise kundi kasama rin dito ang search and rescue operations sa panahon ng kalamidad.

Rose Novenario