Manual polls last option — Comelec

PINAWI ng Comelec ang pangamba ng publiko sa posibilidad na bumalik ang bansa sa full manual elections o kaya ay “no election” sa taon 2016.

Ayon kay Comelec spokesman James Jimenez, gagawin nila ang lahat ng option para matuloy ang automated elections, kasama na ang paghahain ng motion for reconsideration sa Supreme Court (SC).

Bagama’t sinabi ni dating Chairman Sixto Brillantes na hindi maiaalis sa posibilidad ang balik sa mano-manong halalan, hindi aniya ito ang opisyal na pananaw ng poll body ngayon.

Naniniwala si Jimenez na magagawan pa ng paraan ang gusot na ito dahil mahaba pa ang panahon para sa election preparation.

Nagpapasalamat din ang Comelec na maagang inilabas ang SC ruling kaysa magulat ang lahat kung malalaman ito sa loob ng maikling panahon, na wala na silang tyansang makapaghanap ng ibang paraan.