Akusasyon ng HK solon insulto sa Pinoy workers

ISANG malaking insulto sa  Filipino overseas workers sa Hongkong ang pagbansag ng isang babaeng mambabatas na “homewrecker” sila, ayon sa Palasyo.

Sinabi kahapon ni Presidential Spokesman Edwin Lacierda, walang katotohanan at walang batayan ang bansag ng pulitikong si0ng Hongkong, sa OFWs at malaking insulto ito sa mga manggagawang Filipino sa abroad.

Kung tutuusin, dapat aniyang tumanaw ng utang na loob ang mga taga-Hong Kong sa OFWs dahil inaalagaan nila ang kanilang mga anak kapalit ng sakripisyong iwanan ang kanilang pamilya sa Filipinas.

Mahirap aniya ang  trabaho ng OFWs sa Hong Kong dahil bukod sa pag-aalaga sa anak ng kanilang employers  ay pinagsisilbihan pa ang buong pamilya.

Naniniwala si Lacierda na hindi sinasang-ayonan ng mga mamamayan ng Hong Kong ang bansag ni Ip sa mga Filipino dahil mas nakikita nila ang ginagawang tapat na pagsisilbi ng mga Filipino.

Rose Novenario