11 bata nalason sa bunga ng tuba-tuba

NILALAPATAN ng lunas sa dalawang ospital ang 11 bata na nalason sa pagkain ng bunga ng halamang tuba-tuba kahapon sa Ondoy Village, Brgy. San Jose sa lungsod ng Antipolo.

Pito sa mga bata ang isinugod sa Rizal Provincial Hospital habang ang apat ay sa Amang Rodriguez Memorial Medical Center, na edad 6 hanggang 12-anyos.

Pahayag ng isa sa mga magulang ng mga bata, naglalaro ang mga bata nang bigla silang sumuka at dumaing na masakit ang tiyan.

Aniya, hindi alam ng mga bata na nakalalason ang bunga ng halaman na pinitas nila at kinain.

Ed Moreno