Electrician nahulog sa bike nagulungan ng bus, todas

PATAY ang isang 44-anyos electrician makaraan mahulog sa minamanehong bisikleta at magulungan ng isang pampasaherong bus kamakalawa ng umaga sa Caloocan City.

Hindi na umabot nang buhay sa Caloocan City Medical Center ang biktimang si Freddie Jagonap, residente ng Block 41, Lot 11, Section 7, Phase1, Pabahay 300, San Jose Del Monte Bulacan. Kusang loob na sumuko ang suspek na si Wilfredo Manalang, 45, driver ng Alabang Metro Link bus (AAI-2455), ng #382 PNR Compound, Brgy. 73 ng nasabing lungsod, naharap sa kasong reckless imprudence resulting in homicide.

Batay sa ulat ni SPO2 Fernan Romero, traffic investigator, dakong 3 p.m. nang maganap ang insidente sa kahabaan ng C-3 Road, kanto ng 6th St., ng nasabing lungsod.

Binabaybay ng biktima ang lugar nang masagi ng bus ang likurang gulong ng bisekleta dahilan upang siya ay mahulog.

Pagkaraan ay pumailalim ang biktima at nagulungan na nagresulta ng kanyang kamatayan. (ROMMEL SALES)